Harri endogenoak

Prozesu geologiko endogenoetan sortzen dira, horiek geosferaren barruan gertatzen dira, planetaren barruko energiaren eraginez. Halako harriak bi motatakoak izan daitezke:


Harri metamorfikoak. Metamorfismoz sortzen dira; hain zuzen ere, harriaren mineralak eraldatu egiten dira, Lurraren barruko presio- eta tenperatura-aldaketen ondorioz. 

Harri magmatikoak. Harriok magmetatik datoz. Horiek alde sakonetan hoztu eta finkatzen badira, harri magmatikoa harri plutonikoa da, eta, prozesu hori lurrazalean gertatuz gero, harri bolkanikoa da.